Ózbekstan men Túrkııa quny 2 mlrd dollar bolatyn kelisim jasady
ASTANA. QazAqparat - Ózbekstan men Túrkııa 2 mlrd dollardyń jobalaryn júzege asyrý jónindegi kelisim jasasty. Bul týraly beısenbi kúni saýda-ekonomıkalyq yntymaqtastyq jáne ózbek-túrik bıznes-forýmy jónindegi úkimetaralyq komıssııanyń tórtinshi otyrysyn qorytyndylaǵan Ózbekstan premer-mınıstriniń orynbasary Rýstam Azımov habarlady, dep jazdy gazeta.uz.
Ekijaqty qujattar týrızm, toqyma, elektrotehnıka, farmatsevtıka, qurylys jáne bank salalary jobalaryn júzege asyrýdy qarastyrady. 2016 jyldyń nátıjesi boıynsha ózara taýar aınalymy 1,2 mlrd dollardy quraǵan, onyń 709 mln dollary Ózbekstanan Túrkııaǵa jasalǵan eksport kórsetkishi.
Bıylǵy jyly taýar aınalymyn 1,4 mlrd dollarǵa deıin arttyrý maqsaty kózdelip otyr. Ózbekstan premer-mınıstri tikeleı kólik baılanysynyń jaqsaryp kele jatqandyǵynyń jáne onyń óte mańyzdy ekendigin atap ótti.
«Jyl sońyndaǵy Baký - Tbılısı - Kars baǵytyndaǵy temirjoldyń ashylýy Ózbekstan men Túrkııa arasyndaǵy saýda-ekonomıkalyq baılanystyń damýyna berik negiz bolady», - dedi ol.
Sondaı-aq, ózara seriktestiktiń basty baǵyttarynyń biri - týrızm salasy. Ózbekstannyń tarıhı qalalaryndaǵy zamanaýı qonaq úı keshenderniń qurylysy, týrızm ınfraqurylymdary jáne osy sala mamandaryn daıarlaý boıynsha túrik kompanııalarymen kelisimder jasaldy.
Túrkııanyń ekonomıka mınıstri Nıhat Zaıbekchı ózbek áriptesterden Túrkııa azamattary úshin vıza tártibin jeńildetýin surady.
