Ózbekstan men Túrkııa arasyndaǵy temirjol dálizi qalaı damıdy
Ystanbulda «Ózbekstan — Túrikmenstan — Iran — Túrkııa» mýltımodaldy kólik dálizine qatysýshy elderdiń temir jol ákimshilikteriniń birinshi otyrysy ótip, onda osy kólik baǵytyn damytýǵa qatysty mańyzdy máseleler talqylandy. Kazinform bul týraly Ózbekstan temir joldaryna silteme jasap habarlaıdy.
Otyrystyń negizgi taqyryby — temirjolǵa básekege qabiletti tarıf engizý jáne baǵyt boıynsha qozǵalys kólemin arttyrý boldy.
Taraptar osy baǵyt boıynsha qoljetimdi jáne básekege qabiletti baǵa belgileý júk tasymaldaý kólemin arttyrýǵa yqpal etedi degen qorytyndyǵa keldi.
Kezdesý barysynda qatysýshy elderdiń temir jol ákimshilikteri arasynda tıisti hattamaǵa qol qoıyldy.
Bul qujat kólik dálizin damytýdaǵy mańyzdy qadam boldy, óıtkeni ol búkil taraptardyń yntymaqtastyq týraly kelisimin jáne osy jobany sátti júzege asyrý úshin birlesken kúsh-jigerin biriktiredi.
Bul mýltımodaldy kólik baǵytyn damytý Ózbekstan, Túrikmenstan, Iran jáne Túrkııa arasyndaǵy ekonomıkalyq baılanysty nyǵaıtýǵa jáne saýda áleýetin keńeıtýge yqpal etedi.
Sonymen qatar aımaqtaǵy kóliktiń qoljetimdiligi men tıimdiligin arttyryp, ekonomıkalyq damýǵa jáne elder arasyndaǵy yntymaqtastyqty nyǵaıtýǵa septigin tıgizedi.
