Ózbekstan men Tájikstan ózara taýar aınalymyn 1 mlrd dollarǵa jetkizýge nıetti

TAShKENT. KAZINFORM – Dýshanbede Ózbekstan men Tájikstannyń premer-mınıstrleri Abdýlla Arıpov pen Kohır Rasýlzadanyń tóraǵalyǵymen saýda-ekonomıkalyq yntymaqtastyq jónindegi úkimetaralyq komıssııanyń kezekti otyrysy ótti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan úkimetiniń málimetinshe, delegatsııa basshylary ónerkásiptik kooperatsııa, energetıka, aýyl jáne sý sharýashylyǵy, kólik jáne logıstıka salasyndaǵy birlesken jobalar qolǵa alýǵa múddeli ekenin málimdedi. Bul jumystardyń nátıjesinde aldaǵy jyldary ózara taýar aınalymyn 1 mlrd dollarǵa deıin arttyrý josparlanǵan.

Aıta keteıik, ótken jyldyń qorytyndysy boıynsha atalǵan elder arasyndaǵy saýda-sattyq 757 mln dollarǵa jetken.