Ózbekstan men Tájikstan arasyndaǵy odaqtastyq qarym-qatynas týraly shart kúshine endi

TAShKENT. KAZINFORM – Búgin Hýdjand qalasynda Ózbekstan men Tájikstannyń Syrtqy ister mınıstrleri eki el arasyndaǵy odaqtastyq qarym-qatynasty ratıfıkatsııalaıtyn qujatqa qol qoıdy, dep habarlaıdy Kazinform agenttiginiń menshikti tilshisi.

Qol qoıý rásimi Ózbekstan, Tájikstan jáne Qyrǵyzstan prezıdentteriniń alǵashqy sammıti aıasynda ótti. Osylaısha, osydan bir jyl buryn memleket basyshylary deńgeıinde maquldanǵan qujat resmı kúshine endi.

Sonymen qatar, sapar barysynda Shavkat Mırzıeev pen Emomalı Rahmon shaǵyn quramda kelissóz júrgizdi. Onda taraptar eki el arasyndaǵy baılanystardy tereńdetý múmkindikterin talqylady. Kezdesýde málim bolǵandaı, byltyr resmı Tashkent pen Dýshanbe 700 mln dollarǵa saýda-sattyq jasaǵan.

Buǵan qosa, prezıdentter taıaýda Ózbekstanda ótetin «Ortalyq Azııa – Eýroodaq» sammıtine, Ortalyq Azııa elderi memleket basshylarynyń jetinshi Konsýltatıvtik kezdesýine daıyndyq barysyn pysyqtady.

Munymen birge, Ózbekstan, Tájikstan jáne Qyrǵyzstan basshylary memlekettik shekaralardyń toǵysý núktesi jónindegi shartqa qol qoıyp, «Dostyq jebesi» monýmentiniń ashylý saltanatyna qatysty.

Eske salaıyq, Kazinform agenttigine suhbat bergen belgili ózbekstandyq saıasattanýshy Farhod Tolıpov alǵashqy úshjaqty sammıtttiń mán-mańyzy men onyń barysynda talqylanýy yqtımal máselelerdi qatysty pikir bildirgen edi.