Ózbekstan men Tájikstan ortaq shekarany mınadan tazartatyn birlesken top qurdy

ASTANA. QazAqparat - Ózbekstan men Tájikstan eki memlekettiń shekarasynyń mınalanǵan ýchaskelerin tazartý maqsatynda birlesken top qurdy, dep habarlaıdy «Kabar» agenttigi.

Tájik bıliginiń málimetterine súıensek, eki memlekettiń ortaq shekaralaryn mınadan tazartý jumystary 2018 jylǵy mamyrdyń ortalaryna josparlanǵan.

Tájikstannyń Mına máseleleri jónindegi ulttyq ortalyǵynyń dırektory Mýhabbat Ibrahımzada birlesken toptyń mına qoıylǵan jerlerdi tazartýǵa daıyndalyp jatqanyn jetkizdi.

Eske sala keteıik, Ózbekstan prezıdenti Shavkat Mırzıeevtiń Tájikstanǵa alǵashqy resmı sapary kezinde eki memlekettiń basshylary 2019 jylǵa  qaraı ortaq shekarany mınadan tazartý jumystaryn aıaqtaýǵa kelisken bolatyn.

Tájikstannyń Mına máseleleri jónindegi ulttyq ortalyǵynyń málimetterine qaraǵanda, sońǵy jıyrma jylda mına jarylysynan 800 adam zardap shekken.