Ózbekstan men Reseı ıadrolyq qaýipsizdik salasyndaǵy yntymaqtastyqty keńeıtýde
TAShKENT. KAZINFORM - Ózbekstan Respýblıkasy Mınıstrler kabınetı janyndaǵy Indýstrııa, radıatsııalyq jáne ıadrolyq qaýipsizdik komıtetiniń tóraǵasy bastaǵan delegatsııa Reseı Federatsııasynda saparda júr, dep habarlaıdy ÓzA.
Sapar barysynda komıtet tóraǵasy Abdývaqqos Rafıqov pen Qorshaǵan orta, tehnologııa jáne ıadrolyq baqylaý federaldy qyzmetiniń (Rostehnadzor) basshysy Aleksandr Trembıtskııdiń kezdesýi ótti.
Onda taraptar ındýstrııa, radıatsııalyq jáne ıadrolyq qaýipsizdik salasyndaǵy baqylaý organdarynyń mindetteri men ókilettikteri boıynsha tájirıbe almasyp, ózara yntymaqtastyqty odan ári damytý baǵyttaryn talqylady.
Komıtettiń aqparat qyzmetiniń habarlaýynsha, tájirıbelik sapar barysynda Ózbekstan delegatsııasy birqatar uıymdardyń qyzmetimen tanysady. «Kalının AES-ine» tehnıkalyq týrǵa da qatysady.
Ózbekstan men Reseı arasyndaǵy bul yntymaqtastyq atom energııasyn beıbit maqsatta paıdalanýda ıadrolyq jáne radıatsııalyq qaýipsizdikti retteýge baǵyttalǵan kelisim aıasynda júzege asyrylýda.
Kezdesý sońynda 2025-2026 jyldarǵa arnalǵan Birlesken is-qımyl josparyn ázirleý kelisildi.
Eske sala keteıik, dron shabýyly nátıjesinde Máskeýge baǵyt alǵan ózbekstandyq ushaqtar basqa áýejaılarǵa jiberildi.