Ózbekstan men Reseı shabandozdary Astanadaǵy FEI Álem Kýbogynda top jardy
ASTANA. KAZINFORM — Astanada konkýrdan FEI Álem Kýbogy Eýrazııa lıgasynyń fınaly bastaldy. Jarystyń alǵashqy kúninde Ózbekstan men Reseı shabandozdary jeńiske jetse, qazaqstandyq Raısa Sokolenko eki marshrýtta da júldeli orynǵa ıe boldy.
Fınalǵa Qazaqstan, Reseı, Ózbekstan, Qyrǵyzstan jáne Grýzııadan eń myqty shabandozdar qatysady. Sportshylar FEI Álem Kýbogynyń Grand-fınalyna joldama úshin baq synaıdy.
Birinshi jarys kúni eki marshrýt ótti.
№ 1 jarysqa (125 sm) 23 jup qatysty.
Jeńimpazdar:
1-oryn — Alısherjon Erkınov (Ózbekstan) / Cool Dancer — 0 aıyp upaıy, 59.34 sek
2-oryn — Azam Tolıbbaev (Ózbekstan) / Lady — 0 aıyp upaıy, 59.87 sek
3-oryn — Rınat Galımov (Qyrǵyzstan) / Kira Van De Laren Z — 0 aıyp upaıy, 60.10 sek
4-oryn — Raısa Sokolenko (Qazaqstan) / Uran-Nad Wigrami — 0 aıyp upaıy, 60.11 sek
5-oryn — Bekzod Kýrbanov (Ózbekstan) / Santos Hippica — 0 aıyp upaıy, 60.69 sek.
— Biz bul jarysqa uzaq daıyndaldyq. Qazaqstanǵa ekinshi kelýim, biraq bul — alǵashqy jeńisim. Óte qýanyshtymyn. Kedergiler marshrýty bizdiń jyldamdyq úshin qıyn bolmady, óte yńǵaıly, — deıdi A. Erkınov.
№ 2 jarysqa (145 sm) 11 jup qatysty.
Jeńimpazdar:
1-oryn — Darıa Samohına (Reseı) / Chas Pik — 70.99 sek
2-oryn — Bekzod Kýrbanov (Ózbekstan) / Santos Hippica — 71.74 sek
3-oryn — Raısa Sokolenko (Qazaqstan) / Uran-Nad Wigrami — 71.89 sek
4-oryn — Oleg Sokolenko (Qazaqstan) / Cinderella — 73.99 sek
5-oryn — Bekzod Kýrbanov (Ózbekstan) / Matts V.G. — 75.15 sek.
— Óz elimniń ánurany shyrqalǵanyna qýanyshtymyn. Jarysty jaqsy bastadyq. Atym kesh kelip, az jattyqtyq. Sol jaǵyna ýaıymdadym, biraq bári sátti ótti. Meniń atym — meniń tájirıbeli serigim. Maǵan kómektesti. Rızamyn. Úlken fınalǵa joldama alýǵa tyrysamyz, — deıdi D. Samohına.
Alańdaǵy kedergiler ornyn syzǵan kýrs-dızaıner Mýrat Batýr erteńnen bastap baǵyttar kúrdelene túsetinin aıtady.
— Meniń marshrýtymnyń dızaıny birinshi kúnnen sońǵy kúnge deıin ózgerip otyrady. Birinshi kún ádette óte qarapaıym bolady, sebebi bul — jabyq arena, sondyqtan ólshemderi shekteýli. Biz kedergiler arasyndaǵy qashyqtyqtardy uzyn ári kóp etip, bárin barynsha qarapaıym jasaýǵa tyrysamyz. Kedergilerge burylýǵa kóbirek kóńil bóldik, biraq erteńnen bastap kedergiler arasyndaǵy qashyqtyq turǵysynan kúrdeliliktiń tehnıkalyq jaǵy sheshýshi ról atqarady. Sondyqtan erteń bizde ártúrli qashyqtyqtaǵy birneshe túzý syzyqtar bolady, olar shabandozdardy óte qatań synaqtan ótkizedi, — deıdi jarys kýrs-dızaıneri Murat Batýr.
Fınaldyń saltanatty ashylý rásimi erteń, 20 qarasha kúni saǵat 15:00–de ótedi. Ashylýdan keıin saǵat 15:30–da CENTER CREDIT BANK CUP (150 sm) bastalady.
Aıta keteıik, jarystyń bas demeýshisi — KAZZINC kompanııasy.
Jarys 22 qarashaǵa deıin jalǵasady. Kórermenderge kirý tegin.