Ózbekstan men Reseı ǵalymdary zorlyq-zombylyqty anyqtaıtyn neırondyq jeli jasap shyǵardy

TAShKENT. KAZINFORM - Ózbekstan men Reseıdiń ǵalymdary birlesip, beınebaqylaý kameralary arqyly kóshedegi zorlyq-zombylyqty anyqtaı alatyn neırondyq jeli qurastyrdy, dep habarlaıdy Kazinform agenttiginiń menshikti tilshisi.

TASS agenttiginiń málimetinshe, jasandy ıntellekt túrli logıkalardy qoldana otyryp, kóshedegi zorlyq-zombylyq faktileriniń 98 paıyzdan astamyn anyqtaýǵa qabiletti.

Qos eldiń ǵalymdary qurastyrǵan neırondyq jelini aldaǵy ýaqytta «Aqyldy qala» júıesine engizý josparlanyp otyr.

Eske salaıyq, buǵan deıin QR Premer-Mınıstri Oljas Bektenov neırondyq jeliler arqyly tótenshe jaǵdaılardy boljaý júıesi engiziletinin málimdegen edi.