Ózbekstan men Reseı áskerı saladaǵy strategııalyq áriptestik baǵdarlamasyn qabyldady
TAShKENT. KAZINFORM – Reseı men Ózbekstannyń qorǵanys mınıstrlikteri arasyndaǵy yntymaqtastyq jospary men áskerı saladaǵy strategııalyq áriptestiktiń 2026-2030 jyldarǵa arnalǵan baǵdarlamasy qabyldandy, dep habarlaıdy Kazinform agenttiginiń menshikti tilshisi.
Tıisti qujattarǵa Tashkentte Reseı men Ózbekstan áskerı vedomstvolarynyń basshylary Andreı Beloýsov pen Shýhrat Halmýhamedov qol qoıdy.
— Qabyldanǵan qujat ásirese qazirgi halyqaralyq jaǵdaıda zor mańyzǵa ıe. Reseı men Ózbekstan basshylary eki eldiń kúsh qurylymdary arasyndaǵy baılanysty nyǵaıtýǵa asa kóńil bóledi. Bizdiń birlesken jumysymyz Ortalyq Azııa óńirinde qaýipsizdikti qamtamasyz etýge yqpal etedi, — dedi Andreı Beloýsov qol qoıý rásimi barysynda.
Reseı men Ózbekstannyń qorǵanys mınıstrlikteri arasyndaǵy yntymaqtastyq jospary aıasynda birlesken 50 is-sharany júzege asyrý kózdelgen.
Eske salıyq, taıaýda Ózbekstan men Reseı ǵalymdary zorlyq-zombylyqty anyqtaıtyn neırondyq jeli jasap shyǵardy.
Buǵan deıin habarlaǵanymyzdaı, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.
Taıaýda Ózbekstan men Reseı AES salý kelisimshartynyń kúshine ený hattamasyna qol qoıdy.