18:20, 28 Maýsym 2024 | GMT +6
Ózbekstan men Reseı AES salý kelisimshartynyń kúshine ený hattamasyna qol qoıdy
TAShKENT. KAZINFORM – Ózbekstannyń Atom energııasy agenttigi men «Rosatom» Jızaq oblysynda az qýatty atom elektr stantsııasyn (AES) salý kelisimshartynyń kúshine enýine baılanysty hattamaǵa qol qoıdy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Az qýatty atom elektr stantsııasyn salý jónindegi shtabtyń birinshi otyrysy Ózbekstandaǵy qurylys alańynda ótip, onyń barysynda hattamaǵa qol qoıyldy. Nysannyń ınfraqurylymyn qurý jumystary bıyl kúzde bastalady.
Buǵan deıin habarlaǵanymyzdaı, AES-tiń alǵashqy rekatory 2029 jyldyń sońynda iske qosylmaq. Al ol tolyq qýatta 2033 jyldan bastap jumys isteı bastaıdy. Jalpy Ózbekstanda árqaısysy 55 MVt bolatyn 6 shaǵyn reaktor salynady.
