Ózbekstan men Pákistan strategııalyq seriktestik keńesin qurýǵa ýaǵdalasty
TAShKENT. KAZINFORM – Pákistannyń premer-mınıstri Shahbaz Sharıf Ózbekstanǵa resmı saparmen keldi, dep habarlaıdy Kazinform agenttiginiń menshikti tilshisi.
Sapar aıasynda Shahbaz Sharıf Ózbekstan prezıdenti Shavkat Mırzıeevpen kelissóz júrgizdi. Onyń barysynda taraptar eki el arasyndaǵy jan-jaqty baılanystardy jańa deńgeıge shyǵarý múmkindikterin talqylady.
Byltyr Ózbekstan men Pákistan arasyndaǵy taýar aınalymy 400 mln dollardan asty. Taraptar onyń kólemin aldaǵy ýaqytta 2 mlrd dollarǵa jetkizýge ýaǵdalasty. Sonymen qatar, birlesken kólik-logıstıkalyq kompanııa qurýǵa kelisti.
Kelissóz qorytyndysy boıynsha birneshe qujat qabyldandy. Onyń ishinde Ózbekstan prezıdenti men Pákistannyń premer-mınıstri strategııalyq seriktestik keńesin qurý týraly birlesken deklaratsııaǵa qol qoıdy.
Eske salaıyq, buǵan deıin Qazaqstan men Pákistan kólik-logıstıka salasyndaǵy ózara is-qımyldy arttyrýǵa nıetti ekenin jazyp edik.
Sondaı-aq, Ázerbaıjan Pákistanmen qorǵanys salasyndaǵy yntymaqtastyqty nyǵaıtýǵa múddeli, tıisinshe osy elge $2 mlrd ınvestıtsııa baǵyttamaq.