Ózbekstan men Ońtústik Koreıa arasynda birqatar ekijaqty qujattarǵa qol qoıyldy
TAShKENT. 21 qyrkúıek. QazAqparat - Ózbekstan Prezıdenti Islam Kárimovtiń Koreıa Respýblıkasyna jasaǵan saparynyń barysynda birqatar qujattarǵa qol qoıyldy, dep habarlaıdy «ÓzA» memlekettik aqparattyq agenttiginen.
ÓR Prezıdenti I.Kárimov Koreıa Respýblıkasynyń Prezıdenti Lı Men Baktyń shaqyrýymen 19 qyrkúıekte Seýlge memlekettik saparmen keldi.
Eki el prezıdentteri resmı kezdesýiniń saltanatty rásimi Koreıa memleket basshysynyń rezıdentsııasy ornalasqan «Chong Va De» («Kógildir saraı») tarıhı kesheninde ótti.
Kezdesý qorytyndylary boıynsha Islam Kárimov pen Lı Men Bak eki el arasyndaǵy kópjosparly yntymaqtastyq jaǵdaıyna baǵa berilgen, bolashaqqa jan-jaqty qarym-qatynastardy keńeıtýdiń basymdyq baǵyttary kózdelgen birlesken málimdeme qabyldady.
Eki el basshysynyń qatysýymen azamattyq jáne sharýashylyq isteri boıynsha quqyqtyq kómek, týrızm salasyndaǵy yntymaqtastyq týraly kelisimderge, nesıelik-qarjylyq saladaǵy qujattar toptamasyna jáne basqa da salalardaǵy qujattarǵa qol qoıyldy.
