Ózbekstan men Qytaı koronavırýsqa qarsy jańa vaktsınany synaqtan ótkizýde

TAShKENT. QazAqparat – Ózbekstan men Qytaıda koronavırýstyń «omıkron-delta» shtamyna qarsy jańa rekombınantty aqýyz vaktsınasynyń klınıkalyq synaqtary bastaldy, dep habarlaıdy QazAqparat tilshisi Ózbekstannyń Innovatsııalyq damý mınıstrligine silteme jasap.

Eki eldiń ǵalymdary jańa ekinshi kezeńdegi proteındik vaktsına koronavırýstan tıimdi jáne uzaq qorǵanysty qamtamasyz etedi dep boljam jasaýda.

«Biz Ózbekstan- Qytaı arasyndaǵy ekinshi kezeń vaktsınalary boıynsha yntymaqtastyq sátti aıaqtalýda. Búgin atalǵan vaktsınanyń ǵylymı-zertteý jáne klınıkalyq synaqtaryn jasaýdamyz», - dedi Ózbekstannyń Innovatsııalyq damý mınıstri Ibrohım Abdýrahmonov.

Qytaı Ǵylym akademııasynyń akademıgi Gao Fý Qytaı men Ózbekstan buǵan deıin ZF-UZ-VAC-2001 koronavırýsqa qarsy birinshi kezeń ekpesin sátti shyǵarǵanyn atap ótti. Nátıjesinde, bul vaktsınanyń 300 mln-nan astam dozasyn búkil álem qoldanyp, ol jahandyq indetpen kúreske úlken úlesin qosty.