Ózbekstan men Qytaı 6 mlrd. dollar quraıtyn 20 kelisimge qol qoıdy
TAShKENT. QazAqparat - Qytaı Halyq Respýblıkasyna Ózbekstan Prezıdenti Islam Kárimovtiń memlekettik sapary aıasynda jalpy somasy 5,2 mlrd. AQSh dollaryn quraıtyn jobalarǵa qatysty jıyrmadan astam qujatqa, 800 mln. dollar bolatyn saýda sharttaryna qol qoıyldy.
Kelisimderdiń jalpy somasy 6 mlrd. dollar, dep habarlady «Jahon» memlekettik aqparat agenttigi.
Eki jaqty kelisim barysynda prezıdent Islam Kárimovtiń bul sapary elder arasyndaǵy yntymaqtastyqty odan ári nyǵaıtý men damytýǵa yqpal etetindigi, strategııalyq áriptestik qatynastardy dáıekti keńeıtýge jańa serpin beretini atap ótildi.
