Ózbekstan men Qyrǵyzstanda 4 baldyq jer silkinisi boldy

BІShKEK. TAShKENT - QazAqparat –Ózbekstan men Qyrǵyzstanda búgin tańerteń 4 baldyq jer silkinisi boldy, dep habarlaıdy QazAqparat qyrǵyzstandyq Kabar jáne ózbekstandyq BAQ silteme jasap.

Qyrǵyzstan Respýblıkasy Seısmologııa ınstıtýtynyń aqparatynsha, jerasty dúmpýleri Osh oblysynyń Alaı aýdanyndaǵy Bor-Dobo aýylynda 4,5 ball, Nura jáne Erkeshtam aýyldarynda - 4 balǵa deıin sezildi. Aqparatqa sáıkes, jer silkinisi saldarynan zardap shekkender joq.

Sondaı-aq 4 baldyq jer silkinisi Tashkentte jáne basqa qalalarda sezildi.

Eske salsaq, Tájikstanda bolǵan 7 baldyq jer silkinisi Almaty men Shymkentte sezildi.

Foto: earninginmotion.com.