Ózbekstan men Qyrǵyzstan shekarany delımıtatsııalaý máselesin talqylady
ASTANA. QazAqparat - Qyrǵyzstannyń Osh qalasynda Ózbekstan Respýblıkasy men Qyrǵyz Respýblıkasy úkimet delegatsııalarynyń ózbek-qyrǵyz shekarasyn delımıtatsııalaý jáne demarkatsııalaý máseleleri jónindegi jumysshy toptarynyń 10 kúndik kelissózderi sátti aıaqtaldy, dep habarlaıdy uzreport.uz .
Kelissózder barysynda eki eldiń shekarasyndaǵy barynsha kúrdeli bólikterindegi dalalyq zertteý jáne geodezııalyq ólsheý jumystary júrgizildi. Bul aýmaqtarǵa Ózbekstanda Ándijan, Namanǵan jáne Fergana oblystarymen Qyrǵyz Respýblıkasyndaǵy Batken, Jalal-Abad pen Osh oblystarynyń shekaralasatyn tustary jatady.
Kelissózder sońynda tıisti hattama toltyryldy.
