Ózbekstan men Qyrǵyzstan shekara yntymaqtastyǵyn nyǵaıtty
Bul qarym-qatynas formatyn qos prezıdent eki eldiń túıisken jerinde, ıaǵnı shekara mańyndaǵy aımaqtarda týyndaǵan máselelerdi sheshý maqsatynda usynyp otyr. Qyrǵyzstannan kelgen delegatsııany ózbek halqy úlken yqylaspen qarsy aldy. Sebebin de túsinýge bolady. Qansha jerden kórshi bolsa da ózara aralasa almaı kelgeni belgili. Endi jaǵdaı basqasha. Shekaralyq aımaqtar ózara yntymaq ornatyp, eki jaqty baılanysqa jan bitti. ıAǵnı, endigi jerde ekonomıkany nyǵaıtýǵa jol ashyq degen sóz.
«Aramyzda sheshimi tabylmaıtyn másele joq. Bizge tek ózara túsinistik pen senim kerek. Bir-birimizdi tyńdaı alsaq bolǵany. Mysaly, buǵan deıin shekara mańyndaǵy oblystar Keńesin qurý týraly eki el prezıdentiniń sheshimi shyqqany belgili. Biz búgin sol sheshimniń sátti bolǵanyna kóz jetkizdik»,- dedi Ózbekstan Respýblıkasynyń premer-mınıstri Abdýlla Arıpov.
Shekara mańyndaǵy oblystar Keńesine ózbek aǵaıyndardan Namangan, Ferǵana, Ándijan óńiriniń basshylary qatyssa, Qyrǵyzstan jaǵynan Osh, Jalal-Abad pen Batken oblystarynyń jetekshileri jınaldy. Qazir ortaq shekarany belgileý máselesi ret-retimen sheshilip keledi. Bul árıne, óz kezeginde shekaralas óńirlerde eki jaqty saýdany damytýǵa kóbirek kóńil bólýge múmkindik beredi.
«Shekara mańyndaǵy yntymaqtastyq máselesi eki eldiń ózara qarym-qatynasynda úlken mańyzǵa ıe. Óıtkeni sharýashylyqta sheshýdi qajet etetin kóptegen másele bar. Búgin Abdýlla Nıgmatulymen kún tártibinde turǵan barlyq másele boıynsha kelisimge kele aldyq dep senimmen aıta alamyn», - dep atap ótti Qyrǵyzstan Respýblıkasynyń premer-mınıstri Sapar Isakov.
áeOtyrys barysynda aımaqaralyq yntymaqtastyq týraly birqatar kelisimderdi júzege asyrý, saýda-ekonomıkalyq jáne ınvestıtsııalyq qatynastardy keńeıtý men mádenı-qoǵamdyq baılanystardy ulǵaıtý, memlekettik shekarany ótý tártibin jeńildetý máseleleri qaraldy. Májiliste qabyldanǵan barlyq sheshimder ekijaqty hattamaǵa engizildi. Al shekara mańyndaǵy oblystar Keńesiniń kelesi otyrysy Qyrǵyzstanda ótetin boldy.
