Ózbekstan men Qyrǵyzstan shekara týraly jańa kelisimge qol qoımaq
ASTANA. QazAqparat - Qyrǵyzstanda 17-20 naýryz aralyǵynda Ózbekstan men Qyrǵyzstan arasynda shekaranyń delımıtatsııasy men demarkatsııasy máseleleri boıynsha eki eldiń úkimettik delegatsııalary jumys toptarynyń kezdesýi ótti. Bul týraly «Interfaks» agenttigine silteme jasap Rosbalt habarlady.
«Kezdesý barysynda taraptar Ózbekstan-Qyrǵyzstan memlekettik shekarasy syzyǵynyń sıpattamasy jobasyn jáne tıisti kartografııalyq materıaldardy talqylaýdy jalǵastyrdy. Onyń qorytyndysy boıynsha kezdesýdiń Hattamasyna qol qoıyldy»,-delingen Ózbekstan Syrtqy ister mınıstrligi baspasóz qyzmetiniń málimetinde.
Belgili bolǵandaı, qazirgi kezde taraptar problemalyq suraqtar joq ýchaskeler boıynsha Memlekettik shekara týraly kelisimge jaqyn arada qol qoıý múmkindigin qarastyrýda.
Sońǵy kezderi birlesken shekarada birneshe márte oryn alǵan kıkiljiń saldarynan 2013 jyldyń sońynan beri memlekettik shekaranyń delımıtatsııasy men demarkatsııasy boıynsha kelissózder júrip jatyr.
