Ózbekstan men Qyrǵyzstan prezıdentteri beıresmı kezdesý ótkizdi
TAShKENT. KAZINFORM – Ózbekstan basshysy Shavkat Mırzıeev pen Qyrǵyzstan prezıdenti Sadyr Japarov Tashkent oblysynda ornalasqan «Amırsoı» taý-shańǵy kýrortynda beıresmı kezdesý ótkizdi, dep habarlaıdy Kazinform agenttiginiń menshikti tilshisi.
— Prezıdentter eki el arasyndaǵy yntymaqtastyqty nyǵaıtýǵa yqpal etetin ózara is-qımyldar barysyn talqylap, halyqaralyq saıası jaǵdaılarǵa qatysty pikir almasty, — delingen Ózbekstan prezıdentiniń baspasóz qyzmeti taratqan habarlamada.
Qos el basshylary Ózbekstan men Qyrǵyzstannyń tabıǵı erekshelikterin eskere otyryp, kýrorttyq ortalyqtar qurý baǵytynda birlesken jobalardy ilgeriletýge ýaǵdalasty.
Buǵan deıin habarlaǵanymyzdaı, Ózbekstan men Qyrǵyzstan taýar aınalymyn 2 mlrd dollarǵa jetkizýge nıetti.
Sonymen qatar, byltyr Ózbekstan men Qyrǵyzstan shekarasynda 2 ótkizý beketi ashyldy.