Ózbekstan men Frantsııa ózara yntymaqtastyq týraly 8 qujatqa qol qoıdy
Samarqand qalasynda ótken Ózbekstan Prezıdenti Shavkat Mırzıeev pen Frantsııa Prezıdenti Emmanıýel Makron arasyndaǵy kezdesý nátıjesinde eki el basshylary yntymaqtastyq jónindegi 8 qujatqa qol qoıdy, dep habarlaıdy Kazinform.
Ózbekstan basshysynyń baspasóz qyzmeti taratqan aqparatqa saı, prezıdentter qarjy, bilim, mádenıet jáne memleketaralyq yntymaqtastyqtyń ózge de salalary boıynsha myna segiz qujatqa qol qoıdy:
- Samarqandta Frantsýz alıansyn qurý jáne onyń qyzmeti týraly úkimetaralyq kelisim;
- Ózbekstannyń aýyz sýmen jabdyqtaý ınfraqurylymyn jetildirý jónindegi úkimetaralyq qarjylyq hattamalar (1 jáne 2 kezeń);
- Ózbekstanda Frantsýz damý agenttigi men PROPARCO qurý jáne onyń qyzmeti týraly úkimetaralyq kelisimge ózgerister men tolyqtyrýlar engizý týraly hattama;
- Syrtqy ister mınıstrlikteri arasyndaǵy dıplomatııalyq kadrlar daıarlaý salasyndaǵy yntymaqtastyq deklaratsııasy;
- mektepke deıingi, mektep, kásiptik jáne joǵary bilim berý salasyndaǵy yntymaqtastyq týraly hattama;
- mádenı mura salasyndaǵy yntymaqtastyq deklaratsııasy;
- kásiptik jáne tehnıkalyq bilim berý salasyndaǵy yntymaqtastyq týraly ýaǵdalastyq.
Sonymen qatar sapar aıasynda Ózbekstannyń mádenıet jáne ónerdi damytý qory men Suez jáne Bouygues kompanııalary arasyndaǵy yntymaqtastyq jónindegi deklaratsııaǵa qol qoıyldy.
Eske salaıyq, Ózbekstan Prezıdenti Shavkat Mırzıeevtiń shaqyrýymen 1 qarashada Frantsııa Respýblıkasynyń Prezıdenti Emmanıýel Makron Ózbekstanǵa resmı saparmen keldi. Búgin Samarqand qalasynda eki eldiń basshylary shaǵyn quramda kezdesý ótkizdi.
