Ózbekstan men Ázirbaıjan jastar arasyndaǵy ÁCh-2027-ni ótkizýge birlesken ótinim berdi

TAShKENT. KAZINFORM — Ózbekstan men Ázirbaıjan fýtbol qaýymdastyǵy 2027 jyly ótetin jasóspirimder quramalary (U-20) arasyndaǵy álem chempıonatyn ótkizýge FIFA-ǵa birlesken ótinim berdi, dep habarlady Ózbekstan fýtbol assotsıatsııasynyń baspasóz qyzmeti. 

Fýtbol assotsıatsııalary atap ótkendeı, sońǵy jyldary eki el de fýtbol ınfraqurylymyn damytýda jáne halyqaralyq arenadaǵy bedelin nyǵaıtýda aıtarlyqtaı jetistikterge jetti. Ózbekstan men Ázirbaıjan týrnırdi joǵary uıymdastyrýshylyq deńgeıde ótkizýge daıyn ekendikterine senim bildirdi.

Sońǵy jyldary Ózbekstanda stadıondar halyqaralyq standarttarǵa saı qaıta jańǵyrtyldy, dep atap ótti ÓFA baspasóz qyzmeti.

Elde iri týrnırlerdi, sonyń ishinde jastar arasyndaǵy Azııa chempıonatyn (U-20, U-23), sondaı-aq Ortalyq Azııa tarıhynda birinshi bolyp ótkizilgen 2024 jylǵy fýtzaldan álem chempıonatyn ótkizý tájirıbesi jınaqtalǵan. FIFA prezıdenti Djannı Infantıno ony tarıhtaǵy eń jaqsy álem chempıonattarynyń biri dep atady, dep eske aldy assotsıatsııa.
Eske sala keteıik, Ózbekstandyq fýtbolshy Hýsanovtyń Anglııada qansha jalaqy alatyny belgili boldy.