Ózbekstan men Aýǵanstan arasyndaǵy saýda kelisimderi 1,5 mıllıard dollardan asty
ASTANA.KAZINFORM — Kabýlda ótken bıznes-forým barysynda Ózbekstan men Aýǵanstan jalpy somasy 112 mıllıon dollar bolatyn 13 saýda kelisimine qol qoıdy.
Bul týraly Aýǵanstan Ónerkásip jáne saýda mınıstrliginiń baspasóz qyzmeti habarlady.
Konferentsııaǵa eki eldiń laýazymdy tulǵalary, kásipkerleri jáne bıznes qaýymdastyqtary qatysty.
Kelisimshart yntymaqtastyqtyń 13 salasyn, sonyń ishinde un, tsement, munaı ónimderi, makaron, jańa pisken jemister men kókónister jetkizýdi qamtıdy.
Kelisimsharttarǵa Pákistanmen shekaradaǵy shıelenis pen Taıaý Shyǵystaǵy turaqsyzdyqqa baılanysty Aýǵanstan aldynda turǵan saýda jáne tranzıttik qıyndyqtardyń artýy aıasynda qol qoıyldy.
Aýǵanstannyń Ónerkásip jáne saýda mınıstri Nýrıddın Azızı Kabýl men Tashkent arasyndaǵy ekonomıkalyq qarym-qatynastar sońǵy aılarda aıtarlyqtaı kúsheıgenin málimdedi.
Onyń aıtýynsha, aýǵan tarapy aımaqtyq saýda baılanystaryn nyǵaıtý jáne ınvestorlar úshin qolaıly jaǵdaı jasaý boıynsha jumys júrgizip jatyr.
Forýmǵa qatysýshylar Ózbekstan men Aýǵanstan arasynda jasalǵan kelisimderdiń jalpy quny 1,5 mıllıard dollardan asqanyn habarlady.
Aıta keteıik, naýryz aıynda taraptar 514,8 mıllıon dollarlyq kelisimderge qol qoıdy.
