Ózbekstan men AQSh saýda-ınvestıtsııalyq yntymaqtastyqty nyǵaıtýǵa múddeli
TAShKENT. KAZINFORM – Ózbekstan Prezıdenti Ákimshiliginiń basshysy Saıda Mırzıeeva AQSh saýda mınıstriniń orynbasary Devıd Fogelmen kezdesti, dep habarlaıdy Kazinform agenttiginiń Tashkenttegi menshikti tilshisi.
Kelissózde taraptar resmı Tashkent pen Vashıngton arasyndaǵy yntymaqtastyqty nyǵaıtý múmkindikterin talqylady. Atap aıtqanda, olar saýda jáne ınvestıtsııalyq yqpaldastyqty keńeıtýge erekshe nazar aýdardy.
Amerıkalyq kompanııalardyń Ózbekstandaǵy ınvestıtsııalyq jáne ınfraqurylymdyq jobalarǵa qyzyǵýshylyǵy artyp keledi. Taraptar osy múmkindikti tıimdi paıdalana otyryp, jańa jumys oryndaryn qurý, qarjy tartý jáne ulttyq ekonomıkany damytýǵa serpin beretin baǵdarlamalardy iske asyrýǵa nıetti.
Kezdesý sońynda Saıda Mırzıeeva men Devıd Fogel saýda-ekonomıkalyq áriptestikti odan ári tereńdetýge múddeli ekenderin málimdep, yntymaqtastyqty bekemdeı túsýge ýaǵdalasty.
Buǵan deıin habarlaǵanymyzdaı, bıyl Ózbekstan men Iran úkimetaralyq komıssııanyń kezekti otyrysyn ótkizedi.
Sondaı-aq, kórshiles el prezıdenti Shavkat Mırzıeevtiń aıtýynsha, 2026 jyly Ózbekstan ekonomıkasynyń ósimi 8%-dan joǵary bolady7
