Ózbekstan men AQSh mańyzdy mıneraldar salasyndaǵy yntymaqtastyqty nyǵaıtpaq

TAShKENT. KAZINFORM – Ózbekstan men AQSh paıdaly qazba baılyqtar salasyndaǵy yntymaqtastyqty nyǵaıtýǵa baǵyttalǵan memorandýmǵa qol qoıdy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Tıisti qujatqa ÓR Taý-ken ónerkásibi jáne geologııa mınıstriniń birinshi orynbasary Omonýllo Nasrıtdınhodjaev pen AQSh-tyń Ózbekstandaǵy Tótenshe jáne ókiletti elshisi Djonatan Henık qoı qoıdy.

«Kelisimniń maqsaty - mańyzdy mıneraldar salasyndaǵy yntymaqtastyqty odan ári nyǵaıtý jáne basqa baǵyttar boıynsha baılanystardy damytý. Bul qujat geologııalyq barlaý, taý-ken óndirisi salasyndaǵy AQSh-Ózbekstan dıalogyn jalǵastyrýdaǵy mańyzdy qadam bolmaq», - delingen mınıstrlik taratqan habarlamada.

Eske sala keteıik, buǵan deıin Ózbekstan prezıdenti Shavkat Mırzıeev pen Germanııa kantsleri Olaf Şolts yntymaqtastyqty ilgeriletetin 8 qujatqa qol qoıǵan bolatyn.