Ózbekstan men AEHA atom energetıkasy salasyndaǵy yntymaqtastyqty nyǵaıtýǵa nıetti
TAShKENT. KAZINFORM – Ózbekstan prezıdenti Shavkat Mırzıeev Atom energııasy jónindegi halyqaralyq agenttiktiń (AEHA) Bas dırektory Rafael Grossıdi qabyldady, dep habarlaıdy Kazinform agenttiginiń menshikti tilshisi.
Ózbekstan basshysynyń baspasóz qyzmetinen málim etkendeı, kezdesýde taraptar ekijaqty yntymaqtastyqty nyǵaıtý jáne ózara is-qımyldy úılestirý múmkindigin talqylaǵan.
Atap aıtqanda, jaýapty vedomstvolardyń quzyreti keńeıtý, joǵary bilikti kadrlardy daıarlaý jáne AEHA baǵdarlamasy aıasynda ıadrolyq energetıkany damytý - yntymaqtastyqtyń basym baǵyttary retinde aıqyndaldy.
Kezdesý qorytyndysy boıynsha beıbit atomdy damytý salasyndaǵy jan-jaqty yntymaqtastyqty bekemdeı túsýge baǵyttalǵan «Jol kartasy» qabyldandy.
Aıta keteıik, Ózbekstan 1994 jyldan bastap AEHA-ǵa múshe. Osy aralyqta atalǵan uıymnyń kómegimen 40-tan astam birlesken joba iske asty. Qazirgi ýaqytta quqyqtyq bazany jetildirý, ıadrolyq ǵylymdy, medıtsınany jáne basqa da baǵyttardy ilgeriletýge baǵyttalǵan 5 joba qolǵa alyndy.
Rafael Grossı bastaǵan AEHA delegatsııasy 5 jeltoqsanda Samarqanda ótetin halyqaralyq konferentsııaǵa qatysady.
Eske sala keteıik, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.
Taıaýda Ózbekstan men Reseı AES salý kelisimshartynyń kúshine ený hattamasyna qol qoıdy.
Qosa ketsek, buǵan deıin Kazinform redaktsııasy Ózbekstanda qandaı energobloktar salynatynyn jazyp edi.
Munymen qatar, Ózbekstan men Qytaı shaǵyn ıadrolyq reaktorlardy qoldaný múmkindigin zerdelemek.