Ózbekstan memlekettik qyzmetterdiń biryńǵaı portalyn rep arqyly jarnamalaýda
ASTANA. QazAqparat - Ózbekstandaǵy memlekettik qyzmetterdiń ınteraktıvti biryńǵaı portalynyń múmkindikteri týraly endi ánnen bilýge bolady. Ol týyndyny el jastaryna tanymal reper Shohrýh jazyp shyqty, dep habarlaıdy Ózbek telegraf agentttigi.
«Elektrondy úkimet» júıesin damytý ortalyǵynyń habarlaýynsha, án jastarǵa uǵynyqty tilde Biryńǵaı portaldyń artyqshylyqtaryn - onyń ınteraktıvtiligi, máseleni jyldam sheshýge múmkindik beretini, ári adam faktorynyń qatysýyn boldyrmaıtyny jetkizilgen.
Shohrýhtyń repinde, my.gov.uz - bul jańa bastamalar terezesi - ári onda árqaısysy da birinshi bolatyny aıtylǵan.
Ózbekstanda Memlekettik qyzmetterdiń biryńǵaı portaly 2013 jyly 1 shildede testilik rejimde iske qosylǵan. Ol 23 baǵyt boıynsha turǵyndarǵa 230 ınteraktıvti qyzmet usynady, portalǵa 600 memlekettik organdar men olardyń qurylymdyq bólimshesi qosylǵan.
