Ózbekstan memlekettik qyzmet kórsetý salasynda Qazaqstannyń tájirıbesin zertteıdi
TAShKENT. QazAqparat - Ózbekstan ádilet mınıstrligi óz sarapshylaryn memlekettik qyzmet kórsetý salasyndaǵy tájirıbeni zertteý úshin Qazaqstanǵa jiberedi, dep habarlaıdy «QazAqparat» HAA menshikti tilshisi.
Bul týraly Ózbekstandaǵy Qazaqstan elshisi Erik Ótembaevtyń Ózbekstan ádilet mınıstri Rýslanbek Davletovpen kezdesýi barysynda aıtyldy. Áńgimelesý barysynda eki eldiń kelisimdik-quqyqtyq bazasyn odan ári keńeıtý jáne nyǵaıtý, atap aıtqanda, azamattar men zańdy tulǵalardyń quqyqtary men múddelerin qorǵaý, azamattarǵa zańdyq máseleler boıynsha jan-jaqty quqyqtyq kómek kórsetý, sondaı-aq memlekettik organdar tarapynan memlekettik qyzmetterdi kórsetý júıesin jetildirý máseleleri boıynsha pikir almasyldy.
Ózbekstandyq tarap QR-men ózara qarym-qatynastardy damytýdyń mańyzdylyǵyn atap óte otyryp, elimizdiń túrli memlekettik qyzmet kórsetýdegi tájirıbesine úlken qyzyǵýshylyq tanytty. Osyǵan baılanysty respýblıkanyń ádilet mınıstrligi osy jyldyń sońyna deıin tórt elge - Qazaqstan Ázerbaıjan, Grýzııa jáne Reseıge memlekettik qyzmet kórsetý salasyn zertteý úshin sarapshylar tobyn jiberedi.
Budan bólek Rýslanbek Davletov ádilet mınıstrliginiń delegatsııasymen Shymkent qalasyndaǵy HQKO-lardyń jumysymen tanysý úshin OQO-ǵa shaqyryldy.
