Ózbekstan mektepterinde mádenıet pen óner úıirmeleri ashylady
ASTANA. KAZINFORM — Ózbekstan mektepterinde jańa oqý jylynan bastap oqýshylardyń shyǵarmashylyq qabiletin damytýǵa baǵyttalǵan tórt jańa úıirme jumysyn bastaıdy.
Ózbekstannyń Mektepke deıingi jáne mekteptik bilim mınıstrliginiń málimetinshe, úıirmeler «Dýtar», «Ulttyq bı», «Jas barabanshylar» jáne «Beıneleý óneri» baǵyttary boıynsha uıymdastyrylady.
Osylaısha, oqýshylar dýtar men doırada oınaýdy, ulttyq bılerdi, sondaı-aq beıneleý ónerin meńgere alady.
Oqýshylar tańdaǵan baǵyty boıynsha aptasyna eki saǵattan bilim alady. Oqý baǵdarlamasy 72 saǵatqa eseptelgen.
Buǵan deıin Ózbekstandaǵy Otbasy kodeksine túzetýler engizilgeni habarlandy. Oǵan sáıkes, budan bylaı bala ákesiniń esimin famılııa retinde qoldana alady.
Aıta keteıik, Ózbekstannyń turaqty halqynyń sany bıylǵy birinshi jartyjyldyqta byltyrǵy sáıkes kezeńmen salystyrǵanda 1,7 paıyzǵa ósip, 38 mln 519 myń 500 adamǵa jetkeni belgili boldy.
