Ózbekstan mektepteri jańa álipbıge qashan kóshedi
ASTANA. KAZINFORM — Ózbekstandaǵy mektep oqýlyqtary jańartylǵan ózbek álipbıine 2027-2031 jyldar aralyǵynda kezeń-kezeńimen kóshiriledi, dep habarlaıdy Kazinform agenttigi Podrobno basylymyna silteme jasap.
Áýeli jańa álipbıge birinshi synyp oqýshylary arnalǵan oqýlyqtar kóshiriledi. Bul úshin olarǵa jańa kitaptar basyp shyǵarylady.
Bul týraly Ózbekstan Senatynyń otyrysynda Mektepke deıingi jáne mekteptik bilim mınıstriniń orynbasary Ázızbek Týrdıev málimdedi.
Onyń aıtýynsha, jańa álipbıge kóshý oqýlyqtardy josparly túrde jańartýmen qatar júrgiziledi.
Qazir oqýlyqtar belgilengen merzimge sáıkes jańartylyp otyrady: 1-synyp oqýlyqtary jyl saıyn, 2-4-synyp oqýlyqtary úsh jylda bir ret, al 5-11-synyp oqýlyqtary bes jylda bir ret qaıta basylady.
Sondyqtan 2027 jyldan bastap oqýlyqtardy jańartý merzimi kelgen saıyn olar jańa álipbı negizinde shyǵaryla bastaıdy.
Eske salaıyq, buǵan deıin 10 qyrkúıekte Ózbekstan Senaty latyn grafıkasyna negizdelgen ózbek álipbıine ózgerister engizýdi kózdeıtin zańdy maquldady. Endi álipbı qoldanystaǵy 26 árip pen úsh árip tirkesiniń ornyna 28 árip jáne bir apostrof belgisinen turady.
