Ózbekstan mektepteri velosıpedpen qamtamasyz etiledi

ASTANA. KAZINFORM — Ózbekstanda velosportty nasıhattaý men damytýǵa baǵyttalǵan jańa sharalar qabyldandy. Elde oqýshylar arasynda velosportty keńinen damytyp, ulttyq quramaǵa bolashaǵynan úmit kúttiretin sportshylar daıarlaý kózdelgen.

Shkoly v Ýzbekıstane nachnýt obespechıvat velosıpedamı
Foto: Upl.uz

Atalǵan qaýlyǵa sáıkes, 2030 jylǵa qaraı velosportpen turaqty aınalysatyn turǵyndar sanyn 30 myńǵa jetkizý josparlanǵan.  Sondaı-aq ulttyq quramanyń Azııa dodalarynda úzdik úshtikke enip, Olımpıadaǵa beriletin lıtsenzııa sanyn arttyrý mindeti qoıyldy.

2027 jylǵy naýryzdan bastap Tashkentte velosportty damytýǵa arnalǵan arnaıy baǵdarlama iske qosylady. Baǵdarlama aıasynda tıisti ınfraqurylymy bar mektepter 2027–2028 jyldary kezeń-kezeńimen velosıpedpen qamtamasyz etiledi.

Budan bólek 2027 jylǵy naýryzdan bastap turǵyndar arasynda salaýatty ómir saltyn nasıhattap, velosportqa qyzyǵýshylyqty arttyrý úshin túrli sporttyq jarystar men is-sharalar turaqty túrde uıymdastyrylady.

Olardyń qatarynda joǵary oqý oryndarynyń stýdentteri arasyndaǵy «Stýdentter kýbogy» men qajetti jaǵdaıy jasalǵan mektepterdiń joǵary synyp oqýshylary baq synaıtyn «Dırektor kýbogy» jarystary bar.

Sondaı-aq 8 naýryz merekesine oraı áıelder arasynda «Kóktem hanshaıymdary» atty velomarafon ótkizý josparlanǵan.

Buǵan deıin elimizde velosıped pen samokatty jalǵa alý quny qansha bolatyny habarlanǵan bolatyn.