Ózbekstan Maqtaaraldaǵy barlyq kollektordy tazalaýǵa kómektesedi
NUR-SULTAN. QazAqparat - Ózbekstan Maqtaaraldaǵy barlyq kollektordy tazalaýǵa kómektesedi. Bul týraly búgin Úkimet otyrysynda Túrkistan oblysynyń ákimi Ómirzaq Shókeev aıtty, dep habarlaıdy QazAqparat tilshisi.
«Jalpy, Ózbekstan tarapynyń mamandarymen tyǵyz baılanystamyz. Jaǵdaı turaqtanǵannan keıin olar ózderiniń tehnıkasymen kirip, bizdiń búkil kollektorlardy tazalaýǵa kómektesetindigine kelisim alyp keldik. Biz tek shekaradan ótýge múmkindik berýimiz kerek», - dedi Ómirzaq Shókeev.
Onyń aıtýynsha, Maqtaaral aýdanyndaǵy eldi mekenderge jerasty sýy jaqyn ornalasqan. sý uzaq ýaqyt jatyp qalýy múmkin.
«Sondyqtan atalǵan eldi mekenderdiń aınalasynan úlken aryqtar qazyp, sýdy sol aryqtarǵa sorǵytý úshin tehnıka qajet bolady. Osyǵan oraı Ekologııa mınıstrligimen birigip, respýblıka óńirlerinen motopompalardy, sorǵylardy aldyrý kerek bolady»,- dedi ol.
