Ózbekstan Qyrǵyzstannan kelgen bosqyndardy qabyldaýdy jalǵastyrýda
NDІJAN OBLYSY. Maýsymnyń 14-i. QazAqparat /Qurmat Samarhan/ - Qyrǵyzstanmen shekarada Ózbekstan osy elden bosqyndardy qabyldaýdy jalǵastyrýda, dep habarlady bizdiń tilshimiz oqıǵa ornynan.
Resmı málimetter boıynsha, Ózbekstan aýmaǵyna 60 myńǵa tarta bosqyn ótkizildi.
Ándijan oblysynyń qyrǵyz-ózbek shekarasynda ótkizý beketteri uıymdastyryldy, aýyldar men aýdan ortalyqtarynda bosqyndar úshin úlken lager qalashyǵy tigildi. Mundaı lagerler lıtseılerdiń, mektepterdiń, balabaqshalardyń ǵımarattarynda basqa da jerlerde shatyrly qalashyq túrinde ashylǵan.
Bosqyndarǵa ómir súrýi men tamaqtanýyna jaǵdaılar jasalǵan. Lagerlerde medıtsına qyzmetkerleri bar, olar densaýlyqtaryn tekserip, alǵashqy medıtsınalyq kómek kórsetýde.
Qyrǵyzstan aýmaǵy jaǵynan ótkizý beketterinde kóptegen bosqyndar Ózbekstanǵa ótý úshin kezekterin kútýde.
Shekara arqyly negizinen áıelderdi, balalardy jáne jaralanǵan er adamdardy ótkizýde, deni saý er adamdar men jas jigitter Qyrǵyzstan aýmaǵynda Ózbekstanmen shekaraǵa taıaý jerde bosqyndardy kúzetýde.
Ándijan oblysyna jaǵdaımen tanysý úshin Ózbekstannyń premer-mınıstri Shavkat Mırzıeev, sondaı-aq eldiń qorǵanys jáne ishki ister mınıstrlikteriniń basshylary keldi.
Tústen keıin bosqyndar lagerlerine EQYU-nyń Ózbekstandaǵy ókildiginiń ókilderi kelmek.
