Ózbekstan krıptovalıýta naryǵyn quqyqtyq jolmen rettemek
TAShKENT. QazAqparat - Ózbekstan 2018 jyldyń 1 qańtaryna deıin elektrondyq aqshany quqyqtyq jolmen retteýdi qarastyratyn zań jobasyn daıyndaýdy josparlap otyr, dep habarlaıdy «QazAqparat» HAA tilshisi.
Sonymen qatar, qujatta ÓR prezıdenti Shavkat Mırzıeev Mirzo Ulugbek Innovation ortalyǵy janynan «blokcheın» tehnologııasy boıynsha arnaıy ortalyq qurý jónindegi usynysty maquldaǵany aıtylady. Ortalyqtyń maqsaty - «blokcheın» tehnologııasynyń múmkindikterin paıdalanyp, atalmysh tehnologııany ıgergen otandyq mamandarǵa qoldaý kórsetý.
Sonymen birge, ÓR prezıdenti qolma-qol aqshasyz tólem tehnologııasy men PayPal, Alipay, Visa jáne Mastercard sııaqty halyqaralyq júıelerdi damytýǵa kúsh salý jóninde tapsyrma berdi. Atalǵan baǵyttaǵy keshendi sharalar 2018 jyldyń 1 maýsymyna qaraı daıyndalmaq.
