Ózbekstan kosmosqa óz ǵaryshkerin jiberý úshin daıyndyqqa kirisip jatyr

TAShKENT. KAZINFORM — Resmı Tashkent tuńǵysh ózbek ǵaryshkerin kosmosqa jiberýge daıyndalyp jatyr.Muny jyl qorytyndysy boıynsha halyqqa jáne parlamentke arnaǵan Joldaýynda kórshiles eldiń prezıdenti Shavkat Mırzıeev aıtty, dep habarlaıdy Kazinform agenttiginiń menshikti tilshisi. 

— Búgin men taǵy bir mańyzdy jańalyqpen bóliskim keledi. Táýelsiz Ózbekstan tarıhynda alǵash ret biz ǵaryshqa jasandy spýtnık jáne tuńǵysh ózbek ǵaryshkerin, elimizdiń azamatyn ushyrý boıynsha jumystardy bastadyq. Bul jańa Ózbekstannyń ǵylymı-tehnıkalyq ilgerileýine serpin beredi jáne tutas ultymyzdyń damýyn jańa deńgeıge kóteredi dep senemin, — dep málim etti Shavkat Mırzıeev.

Ózbekstan basshysy bul maqsatqa qol jetkizý úshin ІT salasyn odan ári damyta túsý mańyzdy ekenin atap ótti.

— Biz ІT qyzmet eksportyn 2030 jylǵa qaraı 5 mlrd dollarǵa jetkizemiz. Kelesi jyly Tashkent, Buhara, Ferǵana jáne Tashkent oblystarynda 4 derekter ortalyǵy, 2 sýperkompıýter jáne jasandy ıntellekt zerthanalary iske qosylady. Tıisinshe, biz medıtsına, kólik, aýyl sharýashylyǵy, geologııa jáne qoǵamdyq qaýipsizdik sııaqty mańyzdy salalarda 100-den astam jasandy ıntellekt jobasynn júzege asyrýǵa múmkindik alamyz, — dedi Shavkat Mırzıeev.

Eske salaıyq, buǵan deıin kosmosqa taǵy bir qazaq ǵaryshkerin jiberýdiń sharttary pysyqtalyp jatqanyn jazyp edik.

Qosa ketsek, 2026 jyly Ózbekstan men Qytaı ǵaryshqa Jerdi qashyqtyqtan zondtaıtyn spýtnık ushyrýdy josparlap otyr.