Ózbekstan koronavırýsqa baılanysty shekarany jaýyp tastady
TAShKENT. QazAqparat – El aýmaǵynda koronavırýs ınfektsııasynyń rastalýyna baılanysty Ózbekstan halyqaralyq baǵyttyń barlyq túri boıynsha shekarany jaýyp tastady, dep habarlaıdy QazAqparat tilshisi.
Shekaranyń jabylatyny týraly Ózbekstannyń premer-mınıstri Abdýlla Áripov málimdedi. Ol COVID-19 vırýsynan eskertý jáne onyń taralýyna jol bermeý boıynsha arnaıy respýblıkalyq komıssııany basqarady.
Atap aıtqanda, 16 naýryzdan bastap shekaradan Ózbekstan aýmaǵyna kólikpen kirýge tyıym salynady. Sonymen qatar áýe saparlary ishinara toqtatylyp, temir jol reısterine keri qaıtý úshin 3 kún beriledi.
Sheteldegi Ózbekstan azamattary úshin qajettilik týyndaǵan jaǵdaıda charterlik reıster oryndalady. Otanyna oralýdy kózdegen ózbekstandyqtar eki aptalyq karantınge jatqyzylady. Karantın tártibin buzǵan azamattar qylmystyq jaýapkershilikke tartylady.
Sonymen qatar, barlyq memlekettik organ men memlekettik emes uıymdarda jıyndardy ótkizýge tyıym salynady. Dinı uıymdarǵa buqaralyq sharalardy ótkizýdi shekteýge keńes beriledi. Buǵan qosa mektepke deıingi, orta jáne joǵary bilim berý uıymdary ýaqytsha karantınge jabylady. Naýryz merekesine oraı merekelik jıyndar bolmaıdy.
Aıta ketsek 15 naýryzda Ózbekstanda koronavırýs juqtyrýdyń alǵashqy jaǵdaıy tirkelgen edi.
Avtor:
Foto: www.spot.uz
