Ózbekstan, Qyrǵyzstan jáne Tájikstan prezıdentteri Naýryz merekesin birge toılaıdy

ASTANA. KAZINFORM — Ózbekstan, Qyrǵyzstan jáne Tájikstan prezıdentteri Shavkat Mırzıeev, Sadyr Japarov jáne Emomalı Rahmon Tájikstanda ótetin kezdesýde Naýryz meıramyn birge toılaıdy.

Bul týraly Qyrǵyzstan prezıdenti málimdedi, dep jazady Report.

Onyń aıtýynsha, birlesken mereke Ortalyq Azııa halyqtarynyń tatýlyǵy men birligin beıneleıtin ıgi dástúrge aınalady.

— Bizdiń ortaq mindetimiz — halyqtar arasyndaǵy senimdi nyǵaıtý. Bul baǵyttaǵy mańyzdy qadam shekaralas aımaqtar arasyndaǵy yntymaqtastyqty nyǵaıtý bolyp tabylady. Munda birlesken mádenı sharalar erekshe ról atqarady. Osy turǵyda 31 naýryzda Hodjentte ótetin Noorýz merekesiniń mańyzdylyǵyn atap ótkim keledi. Shaqyrý úshin alǵysymdy bildiremin jáne qatysýymdy rastaımyn, — dedi Japarov.

Aıta keteıik, Almaty oblysynda Ulystyń uly kúni — Naýryz merekesi erekshe marafon formatynda ótedi. Onyń aıasynda 368 shara uıymdastyrylady.