Ózbekstan Qazaqstannyń 10 JOO-nyń dıplomyn nostrıfıkatsııasyz moıyndaıdy
TAShKENT. QazAqparat – Halyqaralyq reıtıngige kirgen 1000 úzdik joǵary oqý oryndarynyń arasyndaǵy Qazaqstannyń 10 joǵary oqý ornynyń dıplomy Ózbekstanda emtıhansyz nostrıfıkatsııalanady, dep habarlaıdy «QazAqparat» HAA menshikti tilshisi.
Ózbekstandaǵy memlekettik bilim sapasyn qadaǵalaý ınspektsııasy dıplomdary moıyndalatyn jáne arnaıy synaqsyz nostrıfıkatsııalanatyn sheteldik bilim berý mekemeleriniń tizimin jarııalady.
Jańa qujatta Times Higher Education, The Academic Ranking of World Universities, Quacquarelli Symonds World University Rankings, jáne Times Higher Education sııaqty álemdik reıtıngiler tarapynan moıyndalǵan alǵashqy 1 myń halyqaralyq bilim berý mekemesiniń tizimine enetin joǵary oqý oryndary jarııalanǵan.
Atalǵan reııngte ál-Farabı atyndaǵy QazUÝ, L.Gýmılev atyndaǵy EUÝ, M.Áýezov atyndaǵy Ońtústik Qazaqstan ýnıversıteti, Q.Sátpaev atyndaǵy QazUTÝ, QazUAÝ, Abaı atyndaǵy QazUPÝ, Qazaq-Brıtan tehnıkalyq ýnıversıteti, KIMEP, QarMTÝ, Abylaı han atyndaǵy Qazaq halyqaralyq qatynastar jáne álem tilderi ýnıversıteti sııaqty bilim oshaqtary bar.
Mádıbek Jánibekov
