Ózbekstan Qazaqstanmen qarym-qatynasty damytýdy qoldaıdy - sarapshy
«Biz, Ózbekstan turǵyndary, ózara senim men kórshilik baılanystarǵa negizdelgen Qazaqstanmen qarym-qatynasty damytýdy qoldaımyz. Bizdiń halyqtar ejelden jaqyn kórshi jáne baýyrlas el bolyp ómir súrip, bir-birin qoldap keledi. Sondyqtan, Ózbekstan men Qazaqstan arasyndaǵy dostyqty nyǵaıtý bir maqsatqa - eki eldiń gúldenýine baǵyttalǵan», - dep atap ótti Komıljon Kalanov.
Onyń aıtýynsha, strategııalyq seriktestikti nyǵaıtý máselesinde Qazaqstannyń Tuńǵysh Prezıdenti - Elbasy Nursultan Nazarbaevtyń eńbegi orasan.
«Ózbekstan men Qazaqstan turǵyndaryn sońǵy jyldary eki el arasynda ornaǵan saıası, ekonomıkalyq, gýmanıtarlyq baılanystardyń jańa deńgeıge joǵarylaǵany qýantady. Sondaı-aq, shekara yntymaqtastyǵy nyǵaıyp, saýda aınalymy ósip jatyr. Eki el bizdiń ortaq maqsatymyzdy - saýda aınalymyn 5 mlrd dollarǵa deıin arttyrýdy oryndap jatyr», - dep atap ótti ol.
«Gýmanıtarlyq yntymaqtastyq týraly aıtar bolsaq, Tashkent qalasynda kóptegen qazaq ıntellıgentsııasy ókilderi ómirge kelip, bilim alǵanyn atap óter edim. Bizdiń elimizde kóptegen etnıkalyq qazaqtar eńbek etip júr. Ózbekstan qazaq mádenıetine úlken qoldaý kórsetip jatyr», - dedi Komıljon Kalanov.
Ol QR Prezıdenti Qasym-Jomart Toqaevtyń Ózbekstanǵa saparlap, Ózbekstandaǵy Qazaqstan jylyn ashýy - tyǵyz qatynastardy nyǵaıtýǵa yqpal etetinine senim bildirdi.