Ózbekstan Qazaqstanmen aradaǵy memlekettik shekarany ashty
TAShKENT. Qańtardyń 26-sy. QazAqparat /Qurmat Samarhan/ - Qazaqstan-ózbek shekarasyndaǵy ári-beri ótýge salynǵan shekteýler alyndy.
Bul týraly seısenbi, qańtardyń 26-sy kúni Qazaqstannyń Ózbekstandaǵy elshiliginiń konsýly Babyr Dáýrenbek habarlady.
Dıplomattyń aıtýynsha, qańtardyń 25-inen bastap Ózbekstan Qazaqstanmen aradaǵy memlekettik shekarany birtindep ashýda. Ózbekstan taraby 2009 jyly qarasha aıynyń ekinshi jartysynda memlekettik shekarany birjaqty japqan bolatyn. Beıresmı habar boıynsha, bul shara dońyz tumaýyna baılanysty karantınge qatysty bolǵan.
