Ózbekstan Qazaqstanǵa qatynaıtyn avtobýs reısin 2 ese arttyrady

Ózbekstan Qazaqstanǵa qatynaıtyn avtobýstar reısin 2 esege arttyrady, dep habarlaıdy Kazinform agenttiginiń menshikti tilshisi. 

Kólik jáne jolaýshylar tasymaly baǵyndaǵy máseleler talqylanǵan keńeste Ózbekstan prezıdenti Shavkat Mırzıeev jaýapty organdarǵa birqatar tapsyrma júktedi. Atap aıtqanda, osy elden Qazaqstan, Qyrǵyzstan jáne Tájikstanǵa qatynaıtyn avtobýs reısiniń sanyn 2 ese arttyrý tapsyryldy.

Sonymen qatar Shavkat Mırzıeev keler jyly áýe jáne temirjol tasymalynyń kólemin 20 paıyzǵa kóterý qajet ekenin atap ótti. ıAǵnı, Ózbekstan 3 halyqaralyq marshrýtty iske qosyp, kem degende 7 ushaq satyp alýdy josparlap otyr.