Ózbekstan Qazaqstanǵa elektr energııasy úshin shamamen 70 mln. dollar qaryz
ASTANA. QazAqparat - Ózbekstan Qazaqstanǵa elektr energııasy úshin shamamen 70 mln. dollar qaryz. Bul týraly jalpy otyrys qorytyndylary arnalǵan baspasóz-máslıhatynda «KEGOC» AQ basqarma basshysy Baqytjan Qajıev aıtty.
«Ózbekstannyń bizdiń aldymyzda shynymen de qaryzy bar. 2011 jyldyń sońynan bastap biz ben ózbekstandyq elektr júıesiniń arasynda jospardan tys elektr energııasyn satyp alý týraly kelisim shart jasalǵan. Osy ýaqyt aralyǵynda biz olarǵa 140 mln. dollar kólemindegi elektr energııasy jiberildi, olar onyń 70 mln. dollaryn ótedi», - dep atap ótti ol.
B. Qajıevtiń aıtýynsha, ózbek tarapyna qaryzdyń qalǵan bóligin, ıaǵnı 68-69 mln. dollardy tóleý qajet.
«Biz bul qaryz boıynsha halyqaralyq arbıtrajdyq sotqa júgingen bolatynbyz. Sotta biz jeńip shyqtyq. Qazir sol qaryzdardy jabý protsesi júrip jatyr», - dedi basqarma tóraǵasy.
