Ózbekstan Qazaqstanǵa elektr energııasy boıynsha $143 mln qaryzyn ótedi
2017 jyldyń jeltoqsan aıynda «Ózbekenergo» AQ 2011-2017 jyldary aralyǵynda elektr energııasyn jetkizý jáne qýatty retteý jónindegi qyzmet kórsetý sharty boıynsha «KEGOC»AQ aldyndaǵy negizgi qaryzdaryn tolyq kólemde ótedi, dep habarlaıdy atalmysh kompanııanyń baspasóz qyzmeti.
Atalmysh shart Qazaqstan Birtutas elektr energetıkalyq júıesi men Ózbekstan energo júıesiniń qatarlas jumysynyń senimdiligin jáne turaqtylyǵyn qamtamasyz etý maqsatynda jasalǵan bolatyn. Sol ýaqyttarda sońǵy jyldar aralyǵynda Ózbekstan energojúıesi tarapynan tólenbegen qaryzdar bar bolatyn.
«KEGOC» AQ tarapynan júrgizilgen jumystardyń nátıjesinde bul másele oń sheshimin tapty. 2011 jyldan 2017 jylǵa deıingi «Ózbekenergo» AQ tólegen negizgi qaryzynyń jalpy quny 143 mln AQSh dollaryn qurady.
Qazirgi ýaqytta «KEGOC» AQ jáne «Ózbekenergo» AQ arasyndaǵy áriptestik qatynas joǵary sapaly deńgeıge ótti. KEGOC kompanııasy budan ári de «Ózbekenergo» AQ-men yntymaqtastyq qarym-qatynasty, sonyń ishinde energııa júıelerin damytýdyń álemdik trendin esepke ala otyryp, qatarlas jumystyń senimdiligin qamtamasyz etý máseleleri boıynsha áriptestik qatynasty damytýǵa yntaly.
