Ózbekstan Qazaqstan úshin Ortalyq Azııadaǵy negizgi seriktes - Janseıit Túımebaev
Janseıit Túımebaev Ózbekstannyń Mınıstrler kabıneti janyndaǵy Sheteldik memlekettermen ultaralyq qatynas jáne dostyq baılanys komıtetiniń tóraǵasy R.Qurbanovpen kezdesti.
Kezdesýde J.Túımebaev eki el arasyndaǵy dostyq qarym-qatynastar men qazaq-ózbek yntymaqtastyǵynyń búgingi kúni jańa satyǵa kóterilgenin, tarıhy ortaq halyqtar arasyndaǵy mádenı-gýmanıtarlyq baılanystyń beriktigin atap ótti.
«2018 jyly Ózbekstan Respýblıkasynyń Mınıstrler kabıneti janyndaǵy Sheteldik memlekettermen ultaralyq qatynas jáne dostyq baılanys Komıtetimen Memorandýmǵa qol qoıylǵan bolatyn. Biz elder arasyndaǵy dostyqty joǵary baǵalaımyz, bizdiń qarym-qatynasymyzdy jańa sapaly deńgeıge kóterýge ázirmiz. 2020-2022 jyldarǵa arnalǵan birlesken is-sharalar josparyn ázirleýdi usynamyn.
Qazaq-ózbek yntymaqtastyǵy boıynsha sońǵy jyldary qol jetkizilgen jetistikter eki týys eldiń baılanysynyń beriktigin dáleldeıdi. Nur-Sultan qalasynda Assambleıanyń qoldaýymen ózbek etnomádenı ortalyqtary bıyl úshinshi jyl qatarynan ózbek shaıyry Álisher Naýaı shyǵarmashylyǵyna arnap ádebı kesh uıymdastyryp keledi. Qazaqstanda 2020 jyly uly oıshyl Abaı Qunanbaıulynyń 175 jyldyǵy toılanady. Osy turǵyda Tashkent qalasynda «Abaı mádenıet ortalyǵyn» ashý týraly qazaqstandyq bastamaǵa qoldaý bildirýińizdi suraımyz.
Sonymen qatar, Ózbekstannyń Olıı Majlısimen Qazaqstan Parlamentiniń arasynda turaqty dıalog ornatý qajet dep oılaımyz. Biz Parlamentte Assambleıa atynan saılanǵan kópultty Qazaqstan halqynyń ortaq múddesin bildiretin toǵyz depýtatymyz arqyly parlamentaralyq baǵyt boıynsha yntymaqtastyqta jumys jasaýǵa ázirmiz» , – dedi Janseıit Qanseıituly.
J. Túımebaev óz sózinde Ózbekstan Qazaqstan úshin Ortalyq Azııadaǵy negizgi seriktesi ekendigin aıtty
«Búginde eki el arasyndaǵy taýar aınalymyn arttyrý, sondaı-aq, óndiris kooperatsııasy, aýylsharýashylyǵy, kólik jáne tranzıt salalarynda birlesken jobalardy júzege asyrý boıynsha sharalar qabyldanýda. Assambleıa qurylymynda kásipkerler assotsııaatsııasy jumys jasaıdy. Osy negizde ekonomıkalyq seriktestiktiń perspektıvti baǵyttary boıynsha yntymaqtastyqta jumys júrgizýimizge bolady. Ekijaqty qarym-qatynastyń dınamıkasyna baǵa bere otyryp, Qazaqstan aldaǵy ýaqytta da strategııalyq yntymaqtastyqty, jan-jaqty seriktestikti damytýǵa kúsh salýǵa múddeli ekenin aıtqym keledi», - dedi ol.
Aıta ketý kerek, is-sapar baǵdarlamasynda Ózbekstannyń memleket qaıratkerlerimen kezdesý, «Ortalyq Azııa – bizdiń ortaq úıimiz» І halyqaralyq konferentsııasy, Ózbekstandaǵy qazaq dıasporasy men qoǵam qaıratkerleriniń qatysýymen ótetin Elbasynyń jalpyulttyq kelisim úlgisine arnalǵan dóńgelek ústel jáne «Qazaqstanda turatyn ózbek halqynyń folklory» kitabynyń tanystyrylymy josparlanǵan.
