Ózbekstan Qatarǵa qarsy oıyn kezinde ereje buzǵany úshin 340 myń dollar tóleıdi
ASTANA. KAZINFORM — Azııa fýtbol konfederatsııasy (AFK) 10 maýsym kúni Tashkentte ótken Qatarǵa qarsy 2026 jylǵy álem chempıonatyna irikteý matchy kezinde birneshe ret tártip buzǵany úshin Ózbekstan fýtbol qaýymdastyǵyna (ÓFQ) 340 myń dollar kóleminde aıyppul saldy.
AFK Tártiptik komıtetiniń sheshimine sáıkes Ózbekstan Fýtbol qaýymdastyǵy matchtyń jabylý saltanatyn AFK-men kelispeı uıymdastyrǵan.
ÓFQ sonymen qatar AFK men onyń seriktesteriniń marketıngtik quqyqtarynyń qorǵalýyn qamtamasyz ete almady, bul uıymdastyrýshylar maquldamaǵan brendterdi jasyryn ilgeriletý — «ambýsh marketıngke» ákeldi. Bul retsıdıv kezeńinde tártipti ekinshi ret buzý jaǵdaıy.
Budan basqa, Qaýymdastyq baspasóz konferentsııalary men suhbattar sııaqty resmı is-sharalardy ótkizýge tıisti kómek kórsetken joq, sheshimde bul jaǵdaı da eskerildi.
Aıyppul eki bólek buzýshylyq úshin eki bólikke bólindi — 300 myń jáne 400 myń dollar.
AFK sheshiminde «ambýsh-marketıng» uǵymy dep fýtbolshylardy marapattaý kezinde BYD avtokólikteriniń tikeleı stadıon alańyna qoıylyp, sol jerde syılyq retinde tabystalýy túsindiriledi.
Osyǵan deıin Ózbekstanda sheteldikterge úı alý úshin salyq jeńildikteri beriletini aıtyldy.