Ózbekstan kandıdatýrasyn resmı túrde ıÝNESKO Atqarýshy keńesiniń músheligine usyndy

TAShKENT. KAZINFORM - Parıjdegi ıÝNESKO-nyń shtab-páterinde Ózbekstandy ıÝNESKO Atqarýshy keńesiniń músheligine resmı túrde usynýǵa arnalǵan jıyn ótti, dep habarlaıdy Kazinform agenttigi ÓzA-ǵa silteme jasap. 

Oǵan Mádenıet pen ónerdi damytý qorynyń tóraıymy Gaıane Ýmerova, Ózbekstannyń ıÝNESKO janyndaǵy turaqty ókili Kamol Mýhtorov, ıÝNESKO Atqarýshy keńesiniń tóraıymy Vera Leıkı qatysty.

Kezdesýde Ózbekstannyń ıÝNESKO maqsattaryna adaldyǵy jáne onyń uıym qyzmetine qosqan turaqty úlesi moıyndaldy. Osy otyrys barysynda Ózbekstannyń 2027-2030 jyldar aralyǵyndaǵy ıÝNESKO Atqarýshy keńesiniń músheligine resmı túrde kandıdatýrasyn usynǵany belgili boldy.

— Sonymen qatar taraptar mádenıetaralyq dıalogty nyǵaıtý, jańa bastamalardy qoldaý jáne 2025 jyldyń qarashasynda Samarqandta ótedi dep josparlanǵan ıÝNESKO Bas konferentsııasynyń 43-sessııasy aıasynda talqylanatyn jobalar týraly pikir almasty.
Qordyń baspasóz qyzmetiniń habarlaýynsha, kezdesýde Ózbekstannyń bul bastamasy onyń halyqaralyq mádenı yntymaqtastyq pen praktıkalyq is-áreketke degen umtylysynyń jarqyn mysaly retinde tanyldy, - delingen habarlamada.

Eske sala keteıik, Keler jyly Ózbekstan TMU-ǵa múshe eldermen birlesip ǵaryshǵa spýtnık ushyrmaq.