Ózbekstan izdeý jarııalaǵan kúdikti 9 jyldan soń Almaty oblysynan tabyldy
TALDYQORǴAN. QazAqparat - Ózbekstan Respýblıkasy halyqaralyq izdeý jarııalaǵan kúdikti 9 jyldan keıin tabyldy. Almaty oblysynyń turǵynyn kórshi eldiń polıtseıleri izdep jatqanyn tártip saqshylary tekserý barysynda anyqtaǵan, dep habarlaıdy QazAqparat tilshisi.
Almaty oblystyq ІІD baspasóz qyzmetiniń málimetinshe, Eńbekshiqazaq aýdanynyń Avat aýylyndaǵy turǵynnyń qujattary tekserilip, jergilikti polıtsııa bólimshesine jetkizilgen.
«Tekserý barysynda anyqtalǵandaı, 48 jastaǵy azamatqa 2009 jyly Ózbekstannyń Tórtkól qalasynyń tártip saqshylary halyqaralyq izdeý jarııalaǵan. Olardyń baǵyt-baǵdary boıynsha, er azamat urlyq nemese bótenniń múlkine qol salý qylmysy boıynsha kúdikke ilingen. Qazir ustalǵan azamat jóninde barlyq aqparat izdeý jarııalaǵan orynǵa jiberildi», - dep tolyqtyrdy atalǵan vedomstvadan.
Sondaı-aq, qazir Almaty oblysynyń polıtseıleri osy faktige baılanysty Ózbekstannan tolyqqandy málimet kútip otyr.
