Ózbekstan izdeý salǵan azamat Pavlodarda ustaldy
PAVLODAR. QazAqparat - Pavlodarlyq polıtseıler Ózbekstannyń Ferǵana oblysynda izdeý salynǵan azamatty ustady, dep habarlaıdy QazAqparat Pavlodarnews.kz-ke jasap.
- Pavlodar qalasynda jedel izdestirý is-sharalaryn júrgizý kezinde Ózbekstan Respýblıkasynyń 28 jastaǵy azamaty ustaldy. Polıtsııa qyzmetkerleri Ózbekstan Respýblıkasy ІІM Ferǵana oblysy ІІB áriptesterine qashqynnyń qolǵa túskeni jaıly habarlady, - dedi Pavlodar oblysy polıtsııa departamenti krımınaldyq polıtsııa basqarmasynyń bastyǵy Balǵabaı Qaparov.
Óńirdiń jedel qyzmetkerleri kúndelikti tergeý organdarynan, sottan jasyrynyp júrgen adamdardyń ornalasqan jerin anyqtaýǵa baǵyttalǵan is-sharalardy júrgizedi.
- Aqsý qalasynyń polıtsııa qyzmetkerleri Nur-Sultan qalasynda salynyp jatqan nysandardyń birinde aǵymdaǵy jyldyń mamyr aıynan beri probatsııalyq baqylaýdan jasyrynyp júrgen 43 jastaǵy izdestirilip jatqan qylmyskerdi ustady. Er adam tas qalaýshy bolyp jumys istegen. Tártip saqshylary zań buzýshyny ustap, Nur-Sultan qalasynyń tergeý ızolıatoryna qamaldy, - dedi Balǵabaı Qaparov.
