Ózbekstan ıslam banki aktıvteri boıynsha aımaqta ekinshi orynǵa kóteriledi

TAShKENT. KAZINFORM — Ózbekstandaǵy ıslam bankiniń aktıvteri 2033 jylǵa qaraı 2,4 mlrd dollarǵa deıin ósedi. Bul kórsetkish boıynsha respýblıka Qazaqstandy alǵa jiberip, aımaqta ekinshi orynǵa shyǵýy múmkin, dep habarlaıdy Podrobno.uz.

Eýrazııalyq damý bankiniń bazalyq boljamyna sáıkes, Ózbekstan qazir kórshilerden artta qalǵanymen, jaǵdaı quqyqtyq saladaǵy reformalardyń arqasynda ózgerýi múmkin. Eldegi ıslamdyq bankıng aktıvteri 2028 jylǵa qaraı 1,1 mlrd dollarǵa jetedi, al sýkýk (ıslamdyq oblıgatsııalar) kólemi 2033 jylǵa qaraı 600 mıllıon dollardan 1,9 mlrd dollarǵa deıin ósedi dep boljanyp otyr.

Sarapshylar halyq sanynyń ósýine jáne tıisti ónimderge suranystyń artýyna baılanysty aımaqtaǵy ıslamdyq qarjylandyrýdyń aıtarlyqtaı áleýetin atap ótedi. Eýrazııalyq damý bankiniń baǵalaýy boıynsha, 2028 jylǵa qaraı Ortalyq Azııadaǵy ıslam bankteriniń aktıvteri 2,5 mlrd, al 2033 jylǵa qaraı 6,3 mlrd AQSh dollaryna jetedi. Osy kezeńde sýkýk naryǵy 5,6 mlrd dollarǵa deıin ósedi.

Eske sala keteıik, ıslamdyq qarjylandyrý nesimen erekshe ekeni jaıly jazǵan edik.