Ózbekstan ımporttaıtyn unnyń 95%-dan astamy — qazaqstandyq ónim

TAShKENT. QazAqparat – Osy jyldyń 7 aıynyń qorytyndysy boıynsha Qazaqstan Ózbekstanǵa bıdaı unyn negizgi jetkizýshisi bolyp otyr, dep habarlaıdy QazAqparat menshikti tilshisi.

Ózbekstan Respýblıkasy memlekettik statıstıka komıtetiniń málimetinshe, 2022 jylǵy qańtar-shildede Ózbekstan 72,7 mln AQSh dollary somasyna 227,8 myń tonna bıdaı unyn ımporttaǵan. Bıdaı uny ımportynyń kólemi ótken jyldyń sáıkes kezeńimen salystyrǵanda 41,6 myń tonnaǵa ulǵaıǵan.

Vedomstvonyń málimetinshe, 218,3 myń tonna bıdaı uny, ıaǵnı barlyq ımporttyń 95,8%-y Qazaqstannan satyp alynǵan. Reseıden 9,4 myń tonna un ımporttalǵan.

Buǵan deıin habarlanǵandaı, 2022 jyldyń birinshi toqsanynyń qorytyndysy boıynsha Qazaqstan jalpy ımporttyń 37,8% úlesimen Ózbekstanǵa azyq-túlik taýarlaryn jetkizýshi negizgi elder tiziminde birinshi oryn alady.

Ashyq kózderden alynǵan foto