Ózbekstan halqynyń sany 30 mln. adamǵa jýyqtady
TAShKENT. 23 qańtar. QazAqparat /Qurmat Samarhan/ - Ózbekstan halqynyń sany shamamen 30 mln. adamdy qurady, dep habarlady ÓR memlekettik statıstıka komıteti.
Aldyn ala jasalǵan málimetter boıynsha, Ózbekstan Respýblıkasy halqynyń sany 2012 jylǵy 1 qańtardaǵy málimet boıynsha 29 mln. 559,1 myń adamdy qurady. Sóıtip, 2011 jylǵy 1 qańtardaǵy kórsetkishpen salystyrǵanda 435,7 myń adamǵa artty.
2011 jyly týǵandardyń sany 626,9 myń adamdy (týý kórsetkishiniń koeffıtsenti 21,4 paıyz) qurady, qaıtys bolǵandardyń sany 144,6 myń adamdy (ólim kórsetkishiniń koeffıtseti 4,9 paıyz) qurady. 2010 jyly týý kórsetkishteriniń koeffıtsenti 22,4, al ólim kórsetkishi 4, 9 paıyzdy qurady.
Qalada respýblıka halqynyń 51 paıyzy (15 mln. 69,6 myń adam), al aýyldyq jerlerde 49 paıyzy (14 mln. 489,5 myń adam) turady.
